پشاور: خیبر پختون خوا میں اختیارات کے استعمال پر تناؤ کی صورت حال پیدا ہو گئی ہے، صوبے کے چیف سیکریٹری کو عہدے سے ہٹائے جانے کا امکان ہے۔
تفصیلات کے مطابق بات نہ ماننے پر وزیر اعظم کے ذریعے چیف سیکریٹری کے پی کے کو عہدے سے ہٹائے جانے کا امکان ہے، نئے چیف سیکریٹری کے لیے 3 نام زیر غور ہیں۔
چیف سیکریٹری کا کہنا ہے کہ ’’بیوروکریسی اپنی سوچ کے مطابق ہی چلاؤں گا‘‘، جب کہ نگراں وزیر اعلیٰ کے پی کا کہنا ہے کہ ’’معاملات میں مداخلت کا جواز نہیں بنتا۔‘‘
- Advertisement -
نگراں وزیر اعلیٰ اعظم خان کا مؤقف ہے کہ ’’معاملات مینڈیٹ کے مطابق چلائے جائیں، کسی وزیر کو مجھ سے مسئلہ ہو تو متعلقہ سیکریٹری سے بات کرے، الیکشن ایکٹ کے مطابق ہمیں غیر جانب دار رہنا ہے۔‘‘
ذرائع کا کہنا ہے کہ وزرا نگراں وزیر اعلیٰ اعظم خان سے ناراض ہیں اور انھوں نے گورنر ہاؤس میں ڈیرے ڈال دیے ہیں۔
