ٹینٹ میں بیل باندھنے پر ملزم آپے سے باہر ہوگیا، چھرے کے وار سے قربانی کےلیے لائے گائے جانور کو شدید زخمی کردیا۔
تفصیلات کے مطابق اٹک میں افسوسناک واقعہ پیش آیا ہے جہاں ٹینٹ میں جانور باندھنے پر فیصل نامی شخص نے بیل پر چھرے سے حملہ کردیا، ملزم نے اپنے ٹینٹ میں جانور باندھنے پر لیہ سے لائے گئے قیمتی بیل پر چھری کے وار کیے۔
بیوپاری نے تھانہ اٹک میں فیصل نامی شخص کیخلاف مقدمہ درج کرادیا ہے، جمع کرائی گئی درخواست میں بیوپاری کے مطابق بیل کی قیمت تقریباً 7لاکھ روپے ہے۔
قربانی کے اونٹ سے چھیڑ چھاڑ شہری کو مہنگی پڑ گئی! (وائرل ویڈیو)
درخواست کے متن میں بتایا گیا کہ فیصل نے اپنے ٹینٹ میں جانور باندھنے پر بیل پر حملہ کیا، فیصل نامی شخص کے حملے میں بیل زخمی ہوگیا۔
حاجی شاہ روڈ مویشی منڈی میں ملزم فیصل نے بیل کو زخمی کیا، بیوپاری کی درخواست پر اٹک خورد میں مقدمہ درج کیا گیا ہے تاہم اب تک ملزم کی گرفتاری کے حوالے سے کوئی اطلاع نہیں آئی۔
