اے آر وائی ڈیجیٹل کے نئے ڈرامے ’تیری راہ میں‘ کی پہلی جھلک جاری کردی گئی۔
ڈرامہ سیریل ’تیری راہ میں‘ اے آر وائی ڈیجیٹل پر جلد نشر کیا جائے گا، ڈرامے کی ہدایت کاری کے فرائض خرم والٹر نے انجام دئیے ہیں جبکہ اس کی کہانی نادیہ احمد نے لکھی ہے۔
ڈرامے میں شہروز سبزواری، زینب شبیر، اسامہ خان، شازیل شوکت مرکزی کردار نبھا رہے ہیں۔
ڈرامے کی پہلی جھلک میں دیکھا جاسکتا ہے کہ شہروز سبزواری (احمد) گاڑی چلاتے ہوئے کسی دوست سے کہہ رہے ہیں کہ ’مجھے ایمان (زینب شبیر) بہت اچھی لگنے لگی ہے میرے دل میں اتر گئی ہے۔
Here’s the first look of an astounding drama serial #TeriRahMein featuring #ShahrozSabzwari and #ZainabShabbir
Coming soon only on #ARYDigital #TRM #ComingSoon #ARYDrama #ShazealShoukat #UsamaKhan pic.twitter.com/M9tSOFhP19— arydigitalasia (@arydigitalasia) December 17, 2021
احمد کو ان کے گھر والے کہتے ہیں وہ ہمارے اسٹینڈرڈ کی نہیں ہے لیکن وہ کہتے ہیں اسٹینڈرڈ اسٹیٹس یہ سب میرے پاس ہے اس سے فرق نہیں پڑتا۔
ایک سین میں احمد، ایمان سے کہہ رہے ہوتے ہیں کہ وعدہ کرتا ہوں، بھروسہ کرو آئندہ ایسا نہیں ہوگا پھر وہ ایمان کو ایک کارڈ دیتے ہیں جس پر وہ ناراض ہوکر جانے لگتی ہے۔
احمد ایمان کا ہاتھ پکڑ اسے روکنے کی کوشش کرتے ہیں تو وہ انہیں تھپڑ مار دیتی ہے۔
اس کے بعد احمد کہتے ہیں میں ایمان سے صرف دوستی کرنا چاہتا تھا لیکن اس نے مجھے سب کے سامنے تھپڑ مار کر ذلیل کیا اور اب میں بھی اس کے ساتھ کچھ ایسا ہی کروں گا۔
ڈرامہ سیریل ’تیری راہ میں‘ اے آر وائی ڈیجیٹل پر جلد نشر کیا جائے گا۔
