لاہور: پنجاب کے دارالحکومت میں بجلی کی تاریں گرنے سے 65 سے زائد بھینسیں ہلاک ہوگئیں۔
تفصیلات کے مطابق لاہور کے علاقے سبزہ زار لانے میں بجلی کی تاریں بھینسوں پر گرپڑیں جس کے باعث جانوروں کی موت واقع ہوئی، پولیس نے واقعے کا نوٹس لے لیا۔
سبزہ زار لانے میں بھینسوں کی اموات پر پولیس نے ایکشن لیتے ہوئے کارروائی کا آغاز کردیا ہے۔
علاقہ مکینوں نے متعلقہ انتظامیہ کے خلاف شکایتوں کے انبار لگا دیے کہا متعدد بار آگاہ کیا تاروں کو ٹھیک کریں لیکن واپڈا حکام نے ایک نہ سنی جس کے باعث یہ حادثہ پیش آیا۔
لوگوں کا کہنا ہے کہ اگر متعلقہ ادارے بروقت تاروں کا مسئلہ حل کردیتے تو آج متعدد بھینسوں کی جانیں نہ جاتیں۔ واقعے کی اصل حقیقت جاننے کے لیے پولیس تحقیقات کررہی ہے۔
علاقہ مکینوں کو یقین دہانی کرائی گئی ہے کہ انہیں انصاف ملے گا۔
