سڈنی: آسٹریلوی سمندر میں سرفرنگ کے دوران سرفرز موت کے منہ سے معجزانہ طور پر بچ گئے۔
غیرملکی خبررساں ادارے کی رپورٹ کے مطابق آسٹریلیا کے علاقے یوڈیولا میں سرفرز کی سانیں اس وقت رک سی گئیں کہ جب انہوں نے اپنے سامنے شارک کو دیکھا جو چھپ کر ان کی جانب حملے کے لیے بڑھ رہا تھا۔
رپورٹ میں بتایا گیا کہ شارک کی اطلاع ملتے ہی سرفرز کے گروپ نے شور مچانا شروع کردیا تاکہ سب اپنی جان بچانے کے لیے ساحل پر آجائیں، اس طرح خوش قسمی سے تمام افراد محفوظ رہے۔
گروپ میں شامل مسٹر کیوپر نامی سرفر کا کہنا ہے کہ انہیں سمندر میں پہلے لگا کوئی شے ہے جو تیر رہی ہے لیکن بعد میں ہوش اڑ گئے جب وہ واضح طور پر ایک وائٹ شارک نظر آیا، وہ لمحات ناقابل فراموش ہیں۔
دل دہلا دینے والے مناظر کیمرے کی آنکھ میں قید ہوگئے جس میں دیکھا جاسکتا ہے کہ کس طرح تمام سرفرز تیزی سے ساحل کی جانب بڑھ رہے ہیں، اس دوران پانی میں شارک بھی نظر آتا ہے۔
خیال رہے کہ اگر سرفرز کو خطرناک مچھلی کی اطلاع بروقت نہیں ملتی تو جانی نقصان ہوسکتا تھا۔
