کیا آپ اس پانی میں بچے کو تیرتا ہوا دیکھ سکتے ہیں؟

سوشل میڈیا پر ان دنوں ایک ایسی تصویر وائرل ہوئی جس نے سوشل میڈیا صارفین کو دم بخود کردیا۔

آسٹریلیا میں سی پی آر کڈز نامی فیس بک پیج پر ایک تصویر شیئر کی گئی جہاں بچہ سوئمنگ پول میں تیر رہا ہے لیکن حیران کن طور پر اسے آسانی سے دیکھا نہیں جاسکتا۔

یقیناً آپ بھی ایسا سوچ رہے ہوں گے کہ پانی میں بچہ آخر ہے کہاں؟ اصل معجرہ یہ ہے کہ بچے نے ایسے رنگ کی سوئمنگ کٹ پہنچ رکھی ہے جو پانی کے رنگ(ہلکا نیلا) میں سما گئی۔

بچے نے جب پول میں چھلانگ لگائی تو یہ نشان دہی کرنا انتہائی مشکل ہوگیا کہ وہ کس مقام پر ہے۔ پانی کے رنگ اور بچے کے لباس کا ایسا میلاپ ہوا کہ آنکھیں بچے کو دیکھنے سے قاصر ہوگئیں۔

البتہ اس تصویر پر سوشل میڈیا صارفین نے شدید تشویش کا بھی اظہار کیا اور والدین کو مشورہ دیا ہے کہ وہ بچوں کو تیراکی کے لیے گہرے رنگ کی کٹ پہنائیں۔

Comments