جکارتہ: انڈونیشیا میں نوجوان پر اچانک آسمانی بجلی آگری جس کی ویڈیو منظرعام پر آگئی۔
غیرملکی خبررساں ادارے کی رپورٹ کے مطابق انڈونیشیا کے دارالحکومت جکارتہ میں نوجوان پر آسمانی بجلی گرنے کی ویڈیو نے سوشل میڈیا صارفین کو حیران کردیا۔
جکارتہ کے شمال میں بھاری مشینری کا کام کرنے والی ایک کمپنی کے میں بطور گارڈ ڈیوٹی سر انجام دے رہا تھا کہ اس پر اچانک بجلی آگری۔
واقعے کی سی سی ٹی وی فوٹیج میں دیکھا جاسکتا ہے کہ یہ شخص بارش کے دوران ہاتھ میں چھتری لیے روڈ پر چل رہا ہے چند سیکنڈ کے بعد ایک آسمانی بجلی اس پر آگرتی ہے۔
ویڈیو میں چنگاریاں اڑتی ہوئی واضح طور پر دیکھی جاسکتی ہیں، بجلی گرتے ہی نوجوان زمین پر گر جاتا ہے اور اس کے ساتھی اس کی مدد کو پہنچ جاتے ہیں۔
Security officer in Jakarta was struck by lightning while on duty, avoid using radio and cellular telephones when it is raining, the condition of the victim survived after 4 days of treatment. not everyone has the same chance to live. 当選確率 #Bitcoin #NFTs $BTC $ETH #ALERT pic.twitter.com/4XhW6Oh3U9
— Lexus RZ (@Heritzal) December 26, 2021
رپورٹ کے مطابق مذکورہ شخص خوش قسمتی سے جان لیوا حادثے سے بچ گیا لیکن اس کے ہاتھ جھلس گئے، اسے فوری طور پر علاج کے لیے مقامی اسپتال منتقل کیا گیا اور اب وہ گھر پر صحت یاب ہورہا ہے۔
یہ خیال کیا جارہا ہے کہ گارڈ کے ہاتھ میں واکی ٹاکی تھا جس نے آسمانی بجلی کو اپنی طرف متوجہ کیا یہ بھی قیاس آرائیاں کی جارہی ہیں کہ چھتری لے جانے سے آسمانی بجلی گرنے کے امکانات بڑھ گئے ہیں۔
