تربت: بلوچستان میں سیکیورٹی فورسز نے دہشت گردی کا ایک اور منصوبہ ناکام بنا دیا، کارروائی کے نتیجے میں بھاری اسحلہ اور بارود آمد ہوا۔
تفصیلات کے مطابق شہر تربت کے ضلع کیچ کے علاقے میں سیکیورٹی فورسز کی کارروائی عمل میں آئی، جس کے نتیجے میں اسلحہ اور گولہ با رود برآمد ہوا۔
سیکیورٹی فورسز ذرائع کا کہنا ہے کہ اتوار کو ایف سی اور حساس ادارے نے بلنگور کے علاقے زیارتی بازار میں مشترکہ سرچ آپریشن کیا۔
اس کے دوران سیکیورٹی اہلکاروں نے بڑی تعداد میں اسلحہ بارودی مواد لیویز وردی اور وائرلیس سٹ اور دیگر قیمتی اشیاء برآمد کرلیں۔
ذرایع کے مطابق برآمد ہو نے والے اشیاء میں میگزین، گو لیان، راکیٹ، گولے، دھماکہ خیز مواد، گاڑیوں کی نمبر پلیٹیں دستا ویزات ودیگر اشیاء شامل ہیں۔
بلوچستان میں دہشت گردی کا بڑا منصوبہ ناکام
خیال رہے کہ گذشتہ سال دسمبر میں تربت میں پولیس اہلکاروں نے دہشت گردی کا بڑا منصوبہ ناکام بنایا تھا۔
مذکورہ کارروائی کے دوران بھاری مقدار میں گولہ بارود برآمد ہوا تھا جبکہ 3 ملزمان گرفتار ہوئے تھے۔
واضح رہے کہ ماضی میں بلوچستان کے علاقے ژوب سے بڑی مقدار میں دھماکہ خیز مواد اور اسلحہ برآمد کیا جا چکا ہے، یہاں خود کش دھماکے بھی ہوچکے ہیں جب کہ ایف سی متعدد دہشت گردوں کو گرفتار بھی کرچکی ہے۔
