ژوب : پاک سکیورٹی فورسز نے افغانستان سے پاکستان میں دراندازی کی کوشش کرنے والے دہشت گردوں کے ارادوں کا ناکام بنادیا۔
تفصیلات کے مطابق پاک افغان سرحد پر ژوب میں سمبازہ کے قریب کالعدم ٹی ٹی پی کے دہشت گردوں نے دراندازی کی کوشش کی جسے ناکام بنا دیا گیا۔
پاک فوج کے شعبہ تعلقات عامہ آئی ایس پی آر کے مطابق سیکیورٹی فورسز نے افغانستان سے پاکستان میں دراندازی کی کوشش ناکام بنادی ہے۔
اس دوران سیکیورٹی فورسز نے 3 دہشت گردوں کو ہلاک کردیا، فائرنگ کے تبادلے میں پاک فوج کے چار جوان بھی شہید ہوئے۔
پاک فوج کے شہداء میں حوالدار ستار، لانس نائیک شیر اعظم، لانس نائیک عدنان، سپاہی ندیم شہید شامل ہیں جبکہ واقعے میں کئی دہشت گرد زخمی بھی ہوئے۔
آئی ایس پی آر نے اپنے بیان میں کہا ہے کہ پاک افواج ملک میں امن اور خوشحالی کے دشمنوں کی کوششوں کو ناکام بناتے رہیں گے۔
