جہلم: پنجاب کے شہرجہلم کے نواح علاقے ’ڈومیلی موڑ‘ کے نزدیک ریلوے ٹریک پرایک مشتبہ دہشت گرد نے خود کو دھماکے سے اڑالیا۔
پولیس ذرائع کے مطابق ایک شہری نے موٹروے پولیس کو اطلاع دی کہ ایک ‘مشتبہ شخص’ جی ٹی روڈ کے قریب ریلوے ٹریک پر بارودی مواد نصب کررہا ہے۔
اطلاع ملتے ہی پولیس موقع پر پہنچ گئی جہاں مشتبہ دہشت گرد اورپولیس کےدرمیان فائرنگ کا تبادلہ ہوا، جس کے بعد اُس نے خود کو دستی بم کے ذریعے اڑالیا۔
- Advertisement -
پولیس کے مطابق مشتبہ دہشت گرد کے پاس سے ایک دستی بم اور 2 پستول بھی برآمد ہوئے ہیں۔
واقعے کے بعد ڈسٹرکٹ پولیس آفیسر (ڈی پی او) اور پولیس کی بھاری نفری جائے وقوع پر پہنچ گئی اور مشتبہ شخص کے ممکنہ ساتھیوں کی تلاش میں علاقے کوگھیرے میں لے کرسرچ آپریشن کا آغاز کردیا گیا
