بنوں : صوبہ خیبرپختونخواہ کے جنوبی ضلع بنوں میں سیکیورٹی فورسز سے جھڑپ میں کالعدم تنظیم تحریک طالبان کا کمانڈر مارا گیا۔
تفصیلات کے مطابق بنوں کے علاقے جانی خیل میں سیکیورٹی فورسز اور دہشت گردوں میں جھڑپ میں کالعدم تحریک طالبان کاعلاقائی نائب کمانڈرنصیب ہلاک ہوگیا۔
ذرائع کے مطابق نصیب الرحمان کا تعلق صدرحیات کمانڈرگروپ سے تھا اور بنوں کے علاقے جانی خیل کو کنٹرول کرتا تھا۔
ذرائع کا کہنا ہے کہ دہشت گرد نصیب انتخابی مہم میں سابق وزیراعلیٰ خیبرپختونخواہ اکرم خان درانی پرحملے میں مطلوب تھا۔
کوہاٹ میں پولیس کی کارروائی‘ کالعدم تنظیم کا کمانڈر گرفتار
خیال رہے کہ گزشتہ روز خیبرپختونخواہ کے شہرکوہاٹ میں پولیس نے کارروائی کرتے ہوئے کالعدم تنظیم کے کمانڈر کوگرفتار کیا تھا۔
پولیس حکام کے مطابق گرفتار دہشت گرد قانون نافذ کرنے والے اداروں کو مطلوب تھا، حکومت نے اس کے سرکی قیمت 20 لاکھ روپے مقرر کررکھی تھی۔
کوئٹہ، کالعدم تنظیم کا دہشت گرد گرفتار، متعدد وارداتوں کا اعتراف
واضح رہے کہ رواں سال یکم مئی کو بلوچستان پولیس کے محکمہ انسداد دہشت گردی فورس (کاؤنٹر ٹیررازم ڈیپارٹمنٹ) نے کوئٹہ میں کارروائی کرتے ہوئے دہشت گردی کی کئی وارداتوں اور خودکش حملوں میں ملوث کالعدم تنظیم کے کمانڈرکو گرفتارکیا تھا۔
ڈی آئی جی سی ٹی ڈی اعتزاز گورایہ کا کہنا تھا کہ عبدالرحیم قانون نافذ کرنے والے اداروں کو مطلوب تھا جس کے سر کی قیمت 20 لاکھ روپے مقرر کی گئی تھی۔
