The news is by your side.

دہشتگردوں کا بلوچستان کےعلاقے مچھ میں فورسزکی پوسٹ پرحملہ

بلوچستان میں فورسز کی چیک پوسٹ پر حملے میں ایک جوان شہید اور 2 زخمی ہو گئے۔

آئی ایس پی آر کے مطابق دہشتگردوں نے بلوچستان کےعلاقے مچھ میں فورسزکی چیک پوسٹ پرحملہ کیا تو ایف ‏سی بلوچستان کےجوانوں نے فوری جوابی کارروائی کی۔

فائرنگ کےتبادلےمیں سپاہی عرفان شہید اور 2 جوان زخمی ہو گئے۔

آئی ایس پی آر کا کہنا ہے کہ پاک فوج ایسے بزدلانہ حملوں اورحملہ آوروں کو شکست دینےکیلئے پرعزم ہے ‏دہشتگردوں کو بھاری قربانیوں سےحاصل امن سبوتاژ کرنے نہیں دیں گے۔

ہفتہ 24 ستمبر کو بلوچستان میں فرنٹیئر کانسٹیبلری (ایف سی) کی خفیہ اطلاع پر کارروائی کے دوران 6 دہشت ‏گرد مارے گئے تھے۔

ایف سی بلوچستان نے خاران کےقریب دہشتگردوں ‏کے ٹھکانے پر آپریشن کیا تو اس دوران فائرنگ کا تبادلہ ہوا ‏جس کے نتیجے میں 6 دہشت گرد ہلاک ہو گئے۔

آئی ایس پی آر کا کہنا ہے کہ آپریشن خفیہ اطلاعات پر کیا گیا اور دہشت گردوں کے قبضے سے بڑی تعداد میں ‏‏اسلحہ برآمد کر لیا گیا ہے۔ مارےجانےوالوں میں 2کمانڈر گل میر اور کلیم اللہ بولانی شامل ہیں۔

Comments

یہ بھی پڑھیں