سیکیورٹی فورسز نے دہشت گردوں کی بنوں کینٹ میں حملے کی بزدلانہ کوشش ناکام بنا دی۔
ذرائع کے مطابق صبح 4 بج کر 40 منٹ پر دہشت گردوں نے باود سے بھری گاڑی کو دھماکے سے بنوں کینٹ کی باہر والی دیوار اور سپلائی ڈپو کے درمیان روڈ پر دھماکہ کر کے کینٹ میں داخلے کی کوشش کی۔
ذرائع نے بتایا کہ دھماکا بنوں کینٹ کی باہر والی دیوار اور سپلائی ڈپو کے درمیان روڈ پر کیا گیا لیکن سیکیورٹی فورسز نے بر وقت کارروائی کر کے دہشت گردوں کی کوشش ناکام بنا دی۔
ذرائع کا کہنا تھا کہ مؤثر کارروائی سے دہشت گردوں کو ایک کونے میں محصور کر دیا گیا ہے، جس کے بعد سیکورٹی فورسز نے کلیئرنس آپریشن شروع کر دیا ہے۔
