ماں کو گلا گھونٹ کر قتل کرنے کے بعد 17 سالہ نوجوان اپنی ماں کی لاش کو کار کی ڈگی میں لیے گھومتا رہا۔
ٹیکساس میں ایک نوجوان نے حال ہی میں اقبال جرم کرتے ہوئے بتایا کہ اس نے 2022 میں اپنی ماں کو گلا گھونٹ کر قتل کیا تھا جب وہ 17 سال کا تھا اور پھر اس کی لاش کار کی ڈگی میں رکھ کر ریاست سے فرار ہو گیا تھا۔
ہیرس کاؤنٹی کے ڈسٹرکٹ اٹارنی نے 28 جون کو بتایا کہ 19 سالہ ٹائلر روئنز نامی لڑکے نے اپنی والدہ 49 سالہ مشیل روینز کے قتل کے ساتھ ساتھ جسمانی شواہد کے ساتھ چھیڑ چھاڑ کا جرم قبول کیا ہے۔
ٹائلر کو 40 سال قید کی سزا سنائی گئی ہے اور اسے پیرول کی اہلیت سے پہلے کم از کم قید کی نصف مدت پوری کرنا ہوگی۔
ہیریس کاؤنٹی شیرف کے دفتر نے پہلی بار اکتوبر 2022 میں مدعا علیہ اور اس کی والدہ کی گمشدگی کے بارے میں پوسٹ کیا تھا۔
استغاثہ کے مطابق مزید تفتیش سے یہ بات سامنے آئی کہ ٹائلر روینز نے اپنی ماں کو 13 اکتوبر 2022 کی صبح ان کے گھر میں قتل کر دیا تھا۔
بعدازاں ٹائلر نے ماں کی لاش کو فیملی کار کی ڈگی میں رکھ کر شمال کی طرف روانہ ہوا۔ خاندان کے ایک رکن نے مشیل روینز اور اس کے بیٹے کے گاڑی سمیت لاپتہ ہونے کی اطلاع دی تھی۔
اٹارنی نے کہا کہ یہ اس خاندان کے لیے ایک خوفناک سانحہ ہے، مجرم نے اپنے کیے کی ذمہ داری قبول کی اور اب وہ اپنے اعمال کی وجہ سے کئی دہائیاں جیل میں گزارے گا۔
