The news is by your side.

Advertisement

پنجاب: ٹیکسٹائل ملز مالکان کا 6 دسمبرکو ہڑتال کا اعلان

لاہور: پنجاب میں ٹیکسٹائل ملز کے لیے گیس کی قیمتوں میں کمی کے معاملے پر پنجاب بھر کی ٹیکسٹائل ملز مالکان نے 6 دسمبر کو ہڑتال کا اعلان کردیا۔ ان کا کہنا ہے کہ قیمتوں میں اضافے سے پیداواری لاگت میں مسلسل بڑھ رہی ہے۔

تفصیلات کے مطابق صوبہ پنجاب کے ٹیکسٹائل ملز مالکان نے گیس کی قیمتوں میں اضافے کے خلاف 6 دسمبر کو ہڑتال کا اعلان کرتے ہوئے مطالبہ کیا ہے کہ پنجاب میں ٹیکسٹائل ملز کے لئے گیس کی قیمتوں میں کمی جائے۔

آپٹما کے مرکزی رہنما اعجاز گور نے میڈیا سے گفتگو کرتے ہوئے کہا کہ پنجاب میں ستر سے زائد ٹیکسٹائل ملیں بند ہوچکی ہیں، جس کے باعث لاکھوں کی تعداد ملازمین بے روزگار ہوچکے ہیں۔

رہنماؤں کا کہناتھا کہ پنجاب کی ٹیکسٹائل ملوں کو بجلی اورگیس دوسرے صوبوں کی نسبت مہنگی مہیا کی جارہی ہے، سندھ میں گیس کی قیمت 400 روپے فی ایم ایم بی ٹی یو ہے جبکہ پنجاب میں 900 روپے فی ایم ایم بی ٹی یو کے حساب سے فراہم کی جا رہی ہے۔

آل پاکستان ٹیکسٹائل ملزایسو سی ایشن کے نمائندوں کا کہنا ہے کہ صوبہ پنجاب کی ٹیکسٹائل ملز کے ساتھ منصفانہ برتاؤ نہیں کیا جا رہا۔ آپٹما رہنماؤں نے احتجاجی مظاہرہ بھی کیا اس موقع پر مظاہرین نے اپنے مطالبات کے حق میں شدید نعرے بازی کی۔

واضح رہے کہ ملکی کُل برآمدات میں ٹیکسٹائل کا حصہ تقریباً 60 فیصد ہے۔ ٹیکسٹائل مصنوعات کی مسلسل گھٹتی برآمدات کے باعث ملکی برآمدات میں میں کمی آرہی ہے۔

Print Friendly, PDF & Email

Comments

comments

یہ بھی پڑھیں