لاہور : وزیراعلیٰ پنجاب سردار عثمان بزدار نے تیزگام ٹرین کے المناک حادثے کے پیش نظر تمام میٹنگزمنسوخ کردیں، وہ کچھ دیر میں لیاقت پور روانہ ہوں گے ، جہاں جائے حادثے کا دورہ اور زخمیوں کی عیادت کریں گے۔
تفصیلات کے مطابق لیاقت پور کے قریب تیز گام ٹرین کے المناک حادثے کے بعد وزیراعلیٰ پنجاب سردار عثمان بزدار نے تمام میٹنگزمنسوخ کردیں ، وہ کچھ دیر میں لیاقت پور روانہ ہوں گے۔
وزیراعلیٰ پنجاب جائے حادثے کا دورہ اور زخمیوں کی عیادت کریں گے جبکہ انھوں نے اپنا ہیلی کاپٹر امدادی سرگرمیوں کیلئےمختص کرتے ہوئے متعلقہ حکام کوامدادی سرگرمیوں کی نگرانی کی ہدایت کی ہے۔
عثمان بزدار کا کہنا ہے کہ زخمی مسافروں کے علاج میں کوئی کسر اٹھا نہ رکھی جائے۔
اس سے قبل وزیراعلیٰ پنجاب سردار عثمان بزدار نے ٹرین حادثے پرافسوس کا اظہار کرتے ہوئے کہا تھا کہ حادثے میں قیمتی جانوں کے ضیاع پر بہت دکھ ہوااور زخمیوں کو بہترین طبی سہولیات فراہم کرنے کی بھی ہدایت کی۔
یاد رہے لیاقت پور کے قریب تیزگام ایکسپریس میں آتشزدگی کے ہولناک واقعے میں تین بوگیوں میں سواردرجنوں مسافرزندہ جل گئے، 70 افرادکے جاں بحق ہونےکی تصدیق کردی گئی ہےجبکہ ہلاکتوں میں اضافے کا خدشہ ہیں۔
مزید پڑھیں : لیاقت پور: تیزگام کی 3 بوگیوں میں آگ لگ گئی، 70افراد جاں بحق
حادثے کے بعد بہاولپور ملتان اوررحیم یارخان کےسرکاری اسپتالوں میں ایمرجنسی نافذ کردی گئی ہے،ایم ایس ڈی ایچ کیو لیاقت پورکےمطابق بارہ مسافروں کی حالت تشویشناک ہے،جاں بحق اورزخمی کی شناخت کی کوشش کررہے ہیں،چودہ لاشیں ناقابل شناخت ہیں۔
ڈی سی او جنید اسلم کا کہنا ہے کہ متاثرہ تین بوگیوں میں دو سو سات مسافرسوارتھے،اکانومی کلاس کی دوبوگیاں امیرحسین اینڈ جماعت کے نام سے بک تھیں، اکانومی کی ایک بوگی میں77،دوسری میں 76مسافر سوار تھے،اکانومی کلاس کی بوگیوں میں مسافرزیادہ تر حیدرآباد سے سوارہوئے تھے جبکہ بزنس کلاس کی بوگی میں 54 مسافر سوار تھے۔
