اسرائیلی سیکیورٹی ذرائع کی جانب سے یہ دعویٰ کیا جارہا ہے کہ تھائی پولیس نے اسرائیلی سیاحوں پر حملوں کے خدشات کا اظہار کیا ہے۔
بین الاقوامی خبر رساں ادارے کی رپورٹ کے مطابق اسرائیلی وزیراعظم کے دفتر نے تھائی لینڈ میں موجود انٹیلی جنس کو پولیس سے تعاون کی ہدایات جاری کی ہیں۔
سیکیورٹی ذرائع کے مطابق فی الحال تھائی لینڈ میں مقیم یہودی اور اسرائیلی شہریوں کیلیے ٹریول ایڈوائزری میں کوئی رد بدل نہیں کیا گیا۔
سیکیورٹی ذرائع کا اس حوالے سے کہنا ہے کہ 7 اکتوبر 2023 اور اس کے تناظر میں شروع ہونے والی جنگی کارروائیوں کے پیش نظر ایران اور اس کے ایجنٹس دنیا بھر میں یہودی اور اسرائیلی اہداف کو نشانہ بنانے کے لئے سرگرم ہیں۔
تھائی لینڈ میں مقیم یہودیوں اور اسرائیلیوں کو احتیاط سے کام لینے اور مقامی سیکیورٹی اداروں سے مکمل تعاون کرنے کی ہدایات جاری کردی گئی ہیں۔
دوسری جانب حماس کے عہدیدار عبدالرحمان نے عرب ممالک پر زور دیا ہے کہ وہ غزہ پر اسرائیلی جارحیت کو روکنے کے لیے ہر ممکن کوشش کریں۔
اپنے بیان میں انہوں نے کہا کہ عرب ممالک کو اسرائیل سے تعلقات ختم کرنے چاہئیں اور اسرائیلی جارحیت روکنے کیلئے جو ممکن کوشش ہو سکے وہ کرنی چاہیے۔
عہدیدار نے کہا کہ عرب ممالک جو اسرائیل کیساتھ تعلقات رکھتے ہیں فوری توڑ دیں عرب ممالک فلسطینی کاز کے ساتھ جڑیں اور ہمارے ساتھ کھڑے ہوں، اسرائیلی وزرا کے بیانات ثابت کرتے ہیں فلسطین کاز کو ختم کرنے کا منصوبہ ہے اسرائیل امریکا کی حمایت سے فلسطین کاز کو ختم کرنے کے منصوبے پر کام کر رہا ہے۔
حزب اللہ کے راکٹ حملوں میں 2 اسرائیلی ہلاک
ان کا کہنا تھا کہ اسرائیل کا ہدف فلسطینیوں کے وجود اور شناخت کو ختم کرنا ہے اسرائیل کاہدف مقبوضہ مغربی کنارے پر مکمل کنٹرول حاصل کرنا ہے مغربی کنارے میں جو کچھ ہو رہا ہے وہ ایک خطرناک منصوبہ ہے تمام فلسطینیوں کو اپنے مقصد اور سرزمین کا دفاع کرنا چاہیے فلسطینی عوام کیپاس واحد آپشن حق کادفاع اور مزاحمت ہے۔
