جنوبی بھارت سے تعلق رکھنے والے سپر اسٹار اداکار تھلاپتی وجے سیاست میں انٹری دیتے ہوئے پارٹی کا پرچم اور ترانہ متعارف کرادیا۔
اپنی پرفارمنس سے مداحوں کے دلوں کو جیتنے والے وجے کے پرستاروں کی تعداد بہت زیادہ ہے جبکہ وہ سماجی کاموں کی وجہ سے بھی شہرت رکھتے ہیں تھلاپتی وجے نے فروری میں فروری میں اپنی نئی سیاسی پارٹی ٹی وی کے (تمیلاگا ویٹری کزگم) کا قیام کا اعلان کیا تھا۔
View this post on Instagram
تاہم اب اداکار تھلاپتی وجے نے چنئی میں پارٹی ہیڈ کوارٹر میں ایک عظیم الشان تقریب کے دوران پارٹی پرچم اور علامت کو باضابطہ طور پر لانچ کر دیا، اس موقع پر پارٹی کا ترانہ بھی لانچ کیا گیا۔
خیال رہے کہ تمل ناڈو کی سیاست میں فلمی ستاروں کی شمولیت نئی بات نہیں ہے، ایم جی رامچندرن، رجنی کانت، کمل ہاسن اور وجے کانت جیسے بہت سے تجربہ کار اداکار سلور اسکرین سے سیاسی اسٹیج پر آ چکے ہیں، اب اس فہرست میں تھلاپتی وجے کا نام بھی شامل ہو گیا ہے۔
View this post on Instagram
فلیگ لانچ کی تقریب کے دوران وجے نے خطاب کرتے ہوئے کہا کہ پارٹی جلد ہی ایک میگا کانفرنس کا انعقاد کرے گی، جہاں وہ ٹی وی کے اصولوں اور پارٹی کے مقاصد کا خاکہ پیش کریں گے، اپنی زندگی تمل ناڈو کے لوگوں کے لیے وقف کرنا چاہتا ہوں۔
