اسلام آباد : سابق وزیراعظم عمران خان نے کامیاب جلسے پر اہلیان لاہور کا شکریہ ادا کرتے ہوئے کہا لاہور جلسے میں شرکا سب سے زیادہ پر جوش تھے۔
تفصیلات کے مطابق سابق وزیراعظم عمران خان نے سماجی رابطے کی ویب سائٹ پر اپنے پیغام میں کہا کہ شکریہ لاہور،ع26سالہ سیاست میں سب سے بڑے جلسے میں حمایت کیلئے شکر گزار ہوں،لاہورجلسے میں شرکا سب سےزیادہ پر جوش تھے۔
Thank you Lahore for the massive support & the biggest jalsa in my 26 years in politics; and the most responsive and passionate audience. #امپورٹڈ_حکومت_نامنظور pic.twitter.com/T9UC6x16xm
— Imran Khan (@ImranKhanPTI) April 22, 2022
دوسری جانب سینیٹر فیصل جاوید نے اپنے ٹوئٹ میں زندہ دلان لاہور کا شکریہ ادا کرتے ہوئے کہا آپ نےتاریخ رقم کردی، یہ تبدیلی نہیں، اب انقلاب آرہاہے ، چند ہفتوں بعد ایک بارپھرعمران خان وزیراعظم کاحلف اٹھائیں گے، پوری قوم نے فیصلہ سنا دیا کہ امپورٹڈحکومت نامنظور۔
یہ تبدیلی نہیں – اب انقلاب آرہا ہے – آج سے چند ہفتوں کے بعد انشاء اللہ ایک بار پھر عمران خان وزیراعظم پاکستان کا حلف اٹھائیں گے – پوری قوم نے فیصلہ سنا دیا کہ #امپورٹڈ_حکومت_نامنظور
شکریہ زندہ دلان لاہور آپ نے ایک تاریخ رقم کردی – پاکستان کی تاریخ کا سب سے بڑا جلسہ کرنے پر مبارک pic.twitter.com/OxJA5e5aBH— Faisal Javed Khan (@FaisalJavedKhan) April 21, 2022
یاد رہے گذشتہ روز تحریک انصاف کے لاہور میں پاورشو میں عمران خان کاخطاب بڑی اسکرینوں پربراہ راست دکھایا گیا۔
عمران خان نے اپنے خطاب میں جلد سے جلد الیکشن کے اعلان کا مطالبہ کرتے ہوئے کہا اسلام آباد آنے کی تیاری کریں، جلد کال دوں گا۔
سابق وزیراعظم نےشرکا سے حقیقی آزادی کی جدوجہد کاعہد لیا اور کہا ہماری فوج عظیم ہے، پوری قوم ساتھ کھڑی ہے۔
عمران خان نے بیرونی مراسلے پر شہبازشریف کا تحقیقاتی کمیشن ماننے سے انکار کرتے ہوئے سپریم کورٹ میں اوپن ہیئرنگ کا مطالبہ کردیا۔
