وزیر قانون اعظم نذیر تارڑ نے کہا ہے کہ فوجی عدالتوں میں مقدمات کو بین الاقومی معاہدوں کےمطابق چلایا جائے گا۔
سپریم کورٹ میں صحافیوں سے گفتگو کرتے ہوئے وفاقی وزیر نے کہا کہ فوجی عدالت میں ملزم کوفیئر ٹرائل کا حق ہو گا فوجی عدالت میں ملزم کو مرضی کا وکیل کرنےکا حق ہو گا۔
اعظم نذیر نے کہا کہ فوجی عدالتوں کےفیصلوں کیخلاف اعلیٰ عدالتوں میں اپیل کاحق ہوگا ملزم کو اپنے دفاع میں شواہد ثبوت فراہم کرنےکا حق ہو گا ابھی تک کسی خاتون کامقدمہ فوجی عدالت میں نہیں بھجوایا گیا۔
جی ایچ کیو پر حملہ کیس : 8 ملزمان فوجی عدالت میں ٹرائل کے لیے کمانڈنگ افسرکے حوالے
واضح رہے کہ پاکستان بار کونسل نے اپنے اعلامیے میں ایک بار پھر سانحہ 9مئی کے واقعات کی مذمت کرتے ہوئے عام شہریوں کے ملٹری کورٹس میں ٹرائلز کی مخالفت کی ہے۔
اعلامیہ میں کہا گیا ہے کہ پارلیمنٹ نے اختیارات کا استعمال کیا اور سپریم کورٹ پریکٹس اینڈ پروسیجرقانون بنایا، عدالتی اصلاحات قانون وکلاء برادری کی دو دہائیوں کی جدوجہد کا نتیجہ ہے۔
پیپلزپارٹی کے سینٹر رضاربانی نے 9 مئی کے ملزمان کیخلاف فوجی عدالتوں میں مقدمات کی مخالفت کرتے ہوئے کہا کہ ٹیسٹ ٹیوب سیاسی جماعتیں بناناچھوڑدیں۔
