اسلام آباد میں قتل ہونے والی سابق سفارتکار کی بیٹی نورمقدم کو قتل کرنے کی وجوہات ملزم نے بتا دی۔
نمائندہ اے آر وائی نیوز نے اپنے ذرائع کے حوالے سے بتایا ہے کہ نورمقدم قتل کیس میں پیشرفت ہوئی ہے اور ملزم ظاہرجعفر نے زبان کھول دی ہے۔
ملزم نے بیان دیا ہے کہ نور میرےساتھ بےوفائی کررہی تھی جس کا مجھےپتہ چل گیاتھا اور بےوفائی پر نورمقدم کوقتل کیا۔
ملزم نے 5روزہ جسمانی ریمانڈکےبعد اعتراف جرم میں وجہ قتل بتائی ہے۔
ملزم کی والدہ اور سیکیورٹی گارڈز نے3گھنٹےتک واقعہ چھپایا اگر ملزم کی والدہ یاگارڈز وقت پر اطلاع دیتے تو نور کی جان بچائی جاسکتی تھی۔
ملزم کا نورمقدم کو قتل کرنے کا اعتراف، ویڈیو شواہد بھی مل گئے
ذرائع کے مطابق نورمقدم ساڑھے 4بجے بالکنی سےبھاگ کر گارڈ کےپاس آئی اور خود کو سیکیورٹی گارڈ کےکیبن میں بند کر لیا، ملزم ظاہرجعفرپیچھےآیا اور کیبن سے نور کو باہر نکالا۔
گلی میں موجودگارڈیہ سب کچھ دیکھتےرہے لیکن کسی بھی گارڈ نے ظاہرجعفر کو تشدد کرنے سے نہیں روکا، گلی میں اوربھی لوگ موجودتھےجنہوں نےنورکوگھسیٹتےدیکھا، ملزم نےنورمقدم پر 3گھنٹے تک تشدد کیا۔
پولیس نے مقدمے میں مزید چار اہم ترین دفعات شامل کر لیں، پولیس کا کہنا ہے کہ نور مقدم قتل کیس میں اعانت جرم، جرم چھپانا اور شواہد پر پردہ ڈالنے کی دفعات شامل کی گئی ہے۔
