کراچی میں دوست کے ساتھ مل کر اس والد کو قتل کرنے والے ملزم کو کراچی پولیس نے لاہور سے گرفتار کر لیا ہے۔
اے آر وائی نیوز کے مطابق کراچی کے تھانے سرجانی ٹاؤن انویسٹی گیشن پولیس نے لاہور میں کارروائی کرتے ہوئے دوست کے ساتھ مل کر اس کے باپ کو قتل کرنے والے ملزم کو گرفتار کر لیا ہے۔
پولیس کا کہنا ہے کہ ملزم نے 2021 میں دوست کے ساتھ مل کر اس کے والد کو قتل کیا تھا اور مقتول کے بیٹے نے باپ کے قتل کا الزام عثمان نامی شخص پر لگایا تھا۔
پولیس کے مطابق قتل کے تین دن بعد پولیس نے مقتول کے قاتل بیٹے آصف کو گرفتار کرلیا تھا جس نے دوران تفتیش دوست کے ساتھ مل کر اپنے باپ کو قتل کرنے کا اعتراف کیا تھا۔
پولیس کا کہنا ہے آصف نے جائیدار کے لالچ میں باپ کو اپنے دوست ریاض کے ساتھ مل کر قتل کیا تھا جب کہ واردات کے بعد ریاض روپوش تھا جس کو اشتہاری قرار دے دیا گیا تھا۔
پولیس نے بتایا کہ ملزم کو خفیہ اطلاع پر سرجانی ٹاؤن انویسٹی گیشن پولیس نے لاہور کے رائے ونڈ سے گرفتار کیا ہے جس کو راہداری ریمانڈ پر لاہور سے کراچی منتقل کیا جا رہا ہے۔
