کیا آپ جانتے ہیں کہ شیطانی مقاصد کے لئے کام کرنے والی تنظیمیں کس طرح گانوں کو استعمال کرکے بالخصوص راک میوزک کو استعمال کرکے ذہنوں پر کنٹرول حاصل کررہی ہیں۔
یہ گروہ عوام کے ذہنوں کو غیر محسوس طریقے سے پیغام پیوست کرتا ہے اور اس کے لیے میڈیا سب سے اہم ہتھیار کے طور پر استعمال ہوتا ہے یعنی دشمن کا سب سے اہم ہتھیار آپ کے ڈرائنگ روم میں ہی نصب ہے۔
یاد رہے کہ آج جو طاقتیں عالمی میڈیا کو کنٹرول کررہی ہیں وہ اسی میڈیا کے ذریعے اس قدرطاقتور ہیں کہ وہ کسی کی بھی رائے کو تبدیل کرنے کی قدرت رکھتے ہیں یہاں تک کے اپنی رائے تبدیل کرنے والے کو اندازہ بھی نہیں ہوتا کہ کیسے ایک مخصوص نظریہ اس کے دماغ میں انڈیلا گیا ہے۔
یہ خفیہ شیطانی تنظیمیں دنیا کے بڑے میڈیا گروپس اورانٹرٹینمنٹ انڈسٹری کی مالک ہیں اور ان کی بقااس بات پر منحصر ہے کہ وہ آپ کو برین واش کردیں اور مختلف غیر محسوس طریقوں سے آپ کے بچوں کے ذہن کو اپنے قابو میں کرلیں۔
زوڈیک نامی میوزک کمپنی جو کہ درحقیقت کولمبیا ریکارڈز جیسی بڑی میوزک کمپنیوں کی مالک تھی اس کے ایک سابق مینجر نے انکشاف کیا ہے کہ کس طرح راک میوزک کے ذریعے کانوں میں سحر پھونکا جاتا ہے۔
