میلبورن: آسٹریلیا نے ہوم گراؤنڈ اور کنڈیشنز کا فائدہ اٹھا لیا، کینگروز نے مسلسل دوسرے ٹیسٹ میچ میں نیوزی لینڈ کو شکست دے کر سیریز اپنے نام کرلی۔
تفصیلات کے مطابق آسٹریلیا نے میلبورن ٹیسٹ میں نیوزی لینڈ کو 247 رنز سے شکست دے کر سیریز میں 2-0 کی ناقابل شکست برتری حاصل کرلی، ٹریوس ہیڈ شاندار سنچری اسکور کرنے پر مین آف دی میچ قرار پائے۔
جیمز پیٹنسن نے میچ میں چھ کھلاڑیوں کو آؤٹ کرکے جیت میں اہم کردار ادا کیا۔
نامور آسٹریلوی بولر پیٹر سڈل نے ریٹائرمنٹ کا اعلان کردیا
نیوزی لینڈ اور آسٹریلیا کی کرکٹ ٹیموں کے درمیان تیسرا اور آخری ٹیسٹ میچ 3جنوری 2020 سے شروع ہوگا، شیڈول کے مطابق دونوں ٹیموں کے درمیان تیسرا اور آخری ٹیسٹ 3 سے 7 جنوری تک سڈنی میں کھیلا جائے گا۔
دونوں ٹیموں کے مابین ون ڈے سیریز 13 جنوری سے شروع ہوگی۔ یاد رہے کہ میزبان ٹیم نے نیوزی لینڈ کی ٹیم کو پہلے پنک بال ڈے اینڈ نائٹ ٹیسٹ میچ میں 296 رنز سے شکست دی تھی۔
