ریاض: سعودی عرب میں لاپتہ ہونے والے بچے کی اب لاش ملی ہے جس کے باعث پورا خاندان صدمے کا شکار ہے۔
عرب میڈیا کی رپورٹ کے مطابق مملکت کے دارالحکومت ریاض کی وادی الحائر میں سیروتفریح کے لیے جانا والا بچہ لاپتہ ہوا اور اب اس کی لاش 11 دن بعد ملی ہے۔
سعودی شہری دفاع کی ٹیمیں اور دیگر امدادی گروپ لاپتہ بچے کی تلاش کا سلسلہ دن رات جاری رکھے ہوئے تھے، بچے کی عمر 7 برس ہے۔ وہ وادی کے قریب اپنے اہل خانہ کے ہمراہ سیر کے لیے گیا ہوا تھا۔
رپورٹ میں بتایا گیا ہے کہ بچہ ’تشالیح الحائر‘ نیلام گاہ کے قریب وادی الحائر کی ندی میں گر گیا تھا، باپ نے بچانے کی کوشش کی مگر کامیابی نہیں ملی تھی۔
اطلاع ملتے ہی متعلقہ اداروں نے ایکشن لیا اور بچے کی تلاش شروع کی۔گیارہ دن کی مسلسل تلاش کے بعد اتوار کو سہ پہر تین بجے بچےکی لاش برآمد ہوئی ہے۔
Comments
- Advertisement -
