ماسکو: نایاب نسل کی اسکاٹش بلی کو قدرت نے ایسی منفرد آنکھوں سے نوازا کہ جس نے دیکھنے والوں کو ورطہ حیرت میں مبتلا کردیا، ویڈیو سوشل میڈیا پر وائرل ہوگئی۔
تفصیلات کے مطابق وائرل ہونے والی ویڈیو میں دیکھا جاسکتا ہے کہ ’اسکاٹش فولڈ‘ نسل کی سفید بلی کی دونوں آنکھیں عام بلیوں سے بلکل مختلف ہیں، ایک آنکھ نیلا جبکہ دوسرے کا رنگ زرد ہے۔
’ایوگینی پیٹرو‘ نامی بلی کے مالک کا کہنا ہے کہ بلی کی آنکھوں کی اس حالت کو ’ہیٹر کرومیا‘ کہا جاتا ہے، اس وجہ سے بلیوں میں کسی قسم کے منفی اثرات مرتب نہیں ہوتے اور نہ ہی صحت پر کوئی فرق پڑتا ہے۔
انہوں نے کہا کہ اسکاٹش فولڈ بلیوں میں ہیٹرکرومیا کی حالت بہت کم پائی جاتی ہے، میری بلی کی آنکھیں مختلف ہونے کے باوجود وہ عام بلیوں کی طرح صاف دیکھ سکتی ہے۔
بلی کے مالک کا کہنا تھا کہ جب اس نے پہلی مرتبہ مذکورہ بلی کو آن لائن دیکھا تو یقین نہیں ہوا آیا بلی کی آنکھیں اس طرح کیسے ہوتی سکتی ہیں، مجھے پہلی نظر میں ہی اپنی بلی سے پیار ہوگیا تھا۔
ایوگینی پیٹرو نے مزید کہا کہ میں منفرد آنکھوں والی بلی کو آن لائن دیکھنے کے بعد فوراً خریدنا چاہتا تھا، مجھے اس بات پر بھی بے حد حیرت ہوئی تھی کہ مذکورہ بلی پچھلے 5 ماہ سے فروخت ہی نہیں ہوئی، یہ میرے لیے خوش قسمتی تھی۔
