The news is by your side.

Advertisement

کرونا ویکسین کی تیاری کا مشن، بڑی پیش رفت سامنے آگئی

واشنگٹن: امریکا نے کرونا ویکسین کی تیاری کے لیے حتمی طور پر پانچ کمپنیوں کا انتخاب کرلیا جنہیں ممکنہ ویکسین کی تیاری میں مدد کے لیے ٹرمپ انتظامیہ خصوصی فنڈ فراہم کرے گی۔

تفصیلات کے مطابق ٹرمپ انتظامیہ نے پانچ ایسی کمپنیوں کا چناؤ کرلیا ہے جو کرونا ویکسین کی تیاری میں جٹے ہوئے ہیں، امریکی حکومت مذکورہ تمام کمپنیوں کو اضافہ فنڈنگ بھی کرے گی۔

رپورٹ کے مطابق موڈرنا، اسٹرا زینیکا پلز، پلفزر، جانسن اینڈ جانسن اور مارک اینڈ کو طب کی وہ کمپنیاں ہیں جن کا ٹرمپ انتظامیہ نے حتمی طور پر انتخاب کرلیا ہے جو ممکنہ کرونا ویکسین بنائیں گے۔

کورونا ویکسین کی انسانوں پر آزمائش جلد شروع ہوگی

ویکسین کی تیاری کے دوران مختلف تجربات اور انسانوں پر ٹرائل سمیت دیگر مراحل میں امریکی حکومت کمپنیوں کو مالی مدد فراہم کرے گی۔ حکومت کی جانب سے جلد مذکورہ اقدام سے متعلق اعلان کیا جائے گا۔

کرونا ویکسین سے متعلق چین کا اہم اعلان

اس اہم حکمت عملی سے متعلق امریکی وائٹ ہاؤس تبصرہ کرنے سے گریز کررہا ہے۔ جبکہ امریکی محکمہ صحت اور انسانی خدمات کے ایک عہدیدار نے کہا کہ ہم ایسے معاملے پر تبصرہ نہیں کرسکتے جب تک کوئی حتمی مؤقف نہ آئے۔

خیال رہے کہ رواں سال کے اختتام تک امریکا کرونا ویکسین کی تیاری کا عزم رکھتا ہے اسی کے پیش نظر ممکنہ ویکسین کے ایک سے ڈیڑھ لاکھ افراد پر تجربے کا بھی پلان تیار کیا جارہا ہے، اگلے ماہ سے ٹرائل کا آغاز ہوسکتا ہے۔

fb-share-icon0
Tweet 20

Comments

comments

یہ بھی پڑھیں