ملک میں پیٹرولیم مصنوعات کا بحران سر اٹھانےکو تیار، تیل کمپنیز نے ربیع سیزن کیلئے تیل فراہمی سے معذوری کا اظہار کر دیا۔
تیل کمپنیز پر 35 ارب روپے کا دباؤ ڈالا گیا ہے۔ اس سلسلے میں آئل کمپنیز ایڈوائزری نے وزیرمملکت کو خط لکھ کر آگاہ کیا ہے کہ رقم بعد میں ملےگی جب کہ ڈالر کی قدر میں اضافےکے بعد ایندھن قیمت کا دباؤ بھی کمپنیز پر ڈال دیا گیا۔
خط کے مطابق پیٹرول اور ڈیزل کو اصل قیمت سے کم میں بیچنے کی سرمایہ کاری بہت مہنگی ہے موجودہ صورتحال رہی تو تیل کی بڑھتی ڈیمانڈ کو پورا کرنے سے قاصر ہوں گے۔
- Advertisement -
انڈسٹری ذرائع کا کہنا ہے کہ بینکس کم ازکم 20 فیصدشرح پر رقم دیں گے، تیل بحران سےبچنےکےلیےحکومت ایمرجنسی مذاکرات کرے اور کمپنیوں کو مالی نقصان سے بچانے کیلئےحکومت اقدامات کرے۔
