سندھ حکومت نے ایک بار پھر کراچی میں تجارتی مراکز اور مارکیٹیں بند کرنے کے دن میں تبدیل کر دیے۔
محکمہ داخلہ نے کراچی کے لیے نیا حکم نامہ جاری کر دیا جس میں مارکیٹوں کے اوقات کار پھر تبدیل کر دئیے گئے ہیں۔
حکم نامہ کے مطابق ہفتہ کو مارکیٹیں کھلیں گی جب کہ جمعہ اور اتوار کو مارکیٹیں بند ہوں گی۔
محکمہ داخلہ کا کہنا ہے کہ تاجر برادری کی جانب سے تجارتی مراکز اور مارکیٹیں بند کرنے کے دنوں میں تبدیلی کے لیے نظر ثانی کی درخواست کی گئی تھی، درخواست پر سندھ حکومت کی جانب سے مارکیٹوں کی دن تبدیل کرنے کا فیصلہ کیا گیا۔
محکمہ داخلہ کا کہنا ہے کہ اب کراچی ڈویژن میں مارکیٹوں کے لیے سیف ڈیز جمعہ اور اتوار ہوں گے۔
اس سے قبل محکمہ داخلہ سندھ نے 16 اپریل کو ہفتہ اور اتوار کو مارکیٹیں بند کرنے کا نیا فیصلہ جاری کیا تھا چھ دن بعد محکمہ داخلہ سندھ نے فیصلے میں تبدیلی کرکے اب نیا حکم نامہ جاری کیا ۔
مارکیٹوں اور تجارتی مراکز کے کھلنے یا ٹائمنگ میں کوئی تبدیلی نہیں کی گئی ہے۔
