کراچی : گورنر سندھ عمران اسماعیل نے جامعہ بنوریہ آمد پر کہا کہ حکومت پاکستان کی جانب سے تعاون کا یقین دلاتا ہوں، یہ ادارہ ایسے ہی چلتا رہے گا۔
ان خیالات کا اظہار گورنر سندھ نے مفتی نعیم کےصاحبزادے مفتی نعمان سے اظہار تعزیت کرنے کےلیے جامعہ بنوریہ آمد پر کیا، عمران اسماعیل کا کہنا تھا کہ مفتی نعیم جیسے عالم دین کا جانا انتہائی دکھ کا باعث ہے، میرا مفتی نعیم کے ساتھ دوستانہ تعلق رہا ہے۔
انہوں نے یقین مفتی نعیم کا ادارہ ایسے چلتے رہنے کی یقین دہانی کراتے ہوئے کہا کہ حکومت پاکستان کی جانب سے تعاون کا یقین دلاتا ہوں۔
اس موقع پر مفتی نعمان نے کہا کہ ہر کسی کو موت کا ذائقہ چکھنا ہے،سب کو ایک دن جانا ہے، اظہار تعزیت پر وزیراعظم ، آرمی چیف دیگر سیاستدانوں کا مشکور ہوں۔
مفتی نعمان کا کہنا تھا کہ مفتی نعیم کا مشن اسی طرح جاری رہے گا، جامعہ بنوریہ عالمیہ کے دروازےہر کسی کےلیے کھلے ہیں، امید کرتا ہوں کہ آپ سب اس مشن کا حصہ بنیں گے۔
