حیدرآباد کے بعد سندھ کے شہر لاڑکانہ میں بھی افسوسناک واقعہ پیش آیا ہے جس میں ایک طالبہ شدید زخمی ہوگئیں ہیں۔
تفصیلات کے مطابق لاڑکانہ گرلز ڈگری کالج میں دروازہ گرنے سے فرسٹ ایئر میں زیرتعلیم طالبہ شدید زخمی ہوگئیں ہیں۔
طالبہ کے زخمی ہونےکےبعد کی وڈیو اےآر وائی نیوز نے حاصل کرلی ہے۔
ویڈیو میں دیکھا جاسکتا ہے کہ طالبہ کے زخمی ہونے پر ساتھی لڑکیاں خوفزدہ ہوگئیں اور خون دیکھ کر ان کی چیخیں نکل گئیں۔
Schools of Benazir Bhutto's town- Larkana (Sindh). Door fell on a school girl injuring her seriously & causing fear among other students. This is d situation in Bhutto's home, think of the rest!!#امپورٹڈ_حکومت_نامنظور#تم_ہٹاؤ_ہم_لائینگے_عمران@MashwaniAzhar @agentjay2009 pic.twitter.com/615GdzeS0X
— LAL MALHI (@LALMALHI) February 13, 2023
ساتھ موجود طالبہ چیخ وپکار کرتی رہیں اور مدد کے لئے پکارتی رہیں۔
واقعے کے بعد امدادی ٹیم نے زخمی طالبہ کو تشویشناک حالت میں چانڈکا اسپتال کے آئی سی یو میں منتقل کردیا ہے جہاں اسے طبی امداد دی جارہی ہے۔
ادھر ورثا نے موقف دیا ہے کہ کالج انتظامیہ نے بتایا ہے کہ گیم کھیلنےکےدوران بچی پردروازہ گرگیا، بچی ابھی ہوش میں نہیں ہے، ہوش میں آنے کے بعد اصل صورتحال معلوم ہوسکے گی۔
اس سے قبل آج ہی حیدرآباد میں چھٹی جماعت کی طالبہ نے مبینہ طور پر تیسری منزل سے کود کر اپنی جان دے دی تھی۔
یہ بھی پڑھیں: نجی اسکول میں طالبہ نے تیسری منزل سے چھلانگ لگادی
اے آر وائی نیوز کے مطابق افسوسناک واقعہ حیدرآباد کے علاقے قاسم آباد کے نجی اسکول میں پیش آیا جہاں چھٹی جماعت کی طالبہ تیسری منزل سے چھلانگ لگائی۔
واقعے کی فوٹیج سامنے آئی ہیں جس میں بچی کو اسکول کی تیسری منزل کی گرل پر چڑھتے دیکھا گیا جبکہ اسے کوریڈور میں موجود ایک شخص روکنے کی کوشش کررہا ہے۔
طالبہ نے اس شخص کے روکے جانے کے باوجود تیسری منزل سے چھلانگ لگاکر اپنی زندگی کا خاتمہ کیا۔
