The news is by your side.

Advertisement

اقتصادی رابطہ کمیٹی کا اجلاس آج ہوگا

اسلام آباد: کابینہ کی اقتصادی رابطہ کمیٹی کا اجلاس آج ہوگا جس میں تیرہ نکاتی ایجنڈے پر غور کیا جائے گا۔

تفصیلات کے مطابق کابینہ کی اقتصادی رابطہ کمیٹی کا اجلاس آج (بدھ) کو طلب کر لیا گیا، وزیر اعظم کے مشیر برائے خزانہ ڈاکٹر حفیظ شیخ اقتصادی رابطہ کمیٹی اجلاس کی صدارت کریں گے۔

ذرایع کے مطابق اقتصادی رابطہ کمیٹی کے اجلاس میں 31 نکاتی ایجنڈے پر غور کیا جائےگا، اقتصادی رابطہ کمیٹی اجلاس میں 27سمریاں ضمنی گرانٹس کی منظوری سے متعلق ہیں۔

اقتصادی رابطہ کمیٹی اجلاس میں پاور سیکٹر کو گرانٹس کی منظوری سے متعلق جائزہ لیا جائے گا، جبکہ آزاد کشمیر حکومت کے بجلی کے واجبات اور صنعتی شعبے کو سبسڈی دینے کے معاملے کا جائزہ لیا جائے گا۔

وزیراعظم نے صنعتی شعبے کو 3روپے فی یونٹ اضافے کی منظوری دی تھی۔

خیال رہے کہ گذشتہ ماہ بھی مشیر خزانہ عبد الحفیظ شیخ زیر صدارت اقتصادی رابطہ کمیٹی کا اجلاس ہوا تھا جس میں 23 نکاتی ایجنڈے پر غور کیا گیا تھا۔

اجلاس میں سپریم کورٹ اسلام آباد کی عمارت کے لیے اضافی فنڈز پرغور کیا گیا تھا، جبکہ ججوں کی رہائش گاہوں، ریسٹ ہاؤسز کی دیکھ بھال کے اضافی فنڈز پر تبادلہ خیال ہوا تھا۔

اقتصادی رابطہ کمیٹی کا اجلاس آ ج ہوگا

دریں اثنا کراچی میں گرین لائن بس آپریشنل کرنے کے لیے سیڈ منی کی فراہمی اور وزارت اطلاعات کے واجبات کی ادائیگی کے لیے ضمنی گرانٹ ایجنڈے میں شامل تھا۔

Comments

comments

یہ بھی پڑھیں