الیکشن کمیشن آف پاکستان نے پنجاب میں انتخابات کی تاریخ سے متعلق جسٹس جواد حسن کے فیصلے کو ہائیکورٹ میں چیلنج کردیا-
الیکشن کمیشن کی جانب سے لاہور ہائیکورٹ میں دائر انٹرا کورٹ اپیل میں اتحریک انصاف اور گورنر پنجاب کو فریق بنایا گیا ہے۔
دائر درخواست میں موقف اختیار کیا گیا ہے کہ سنگل بینچ نے حقائق کا درست جائزہ نہیں لیا،قانون کے مطابق الیکشن کی تاریخ دینا الیکشن کمیشن کا اختیار نہیں ہے، الیکشن کمیشن کو الیکشن کی تاریخ کا کہنا آئین اور الیکشن ایکٹ کے خلاف ہے۔
- Advertisement -
الیکشن کمیشن کی ذمہ داری انتخابات میں انتظامی امور تک ہے تاریخ دینا گورنر کا اختیار ہے ۔ عدالت الیکشن کی تاریخ سے متعلق سنگل بینچ کا فیصلہ کالعدم قرار دیا جائے،درخواست کے فیصلے تک سنگل بنچ کے فیصلے کو معطل کیا جائے_
