اسلام آباد: ملک بھر میں الیکشن کمیشن آف پاکستان نےاپنے دفاتر میں سوشل میڈیا کے استعمال پر پابندی لگادی ہے۔
تفصیلات کےمطابق الیکشن کمیشن آف پاکستان نے اپنے دفاتر میں سماجی رابطوں کی ویب سائٹ فیس بک، ٹوئٹر سمیت یوٹیوب کے استعمال پر پابندی لگادی ہے۔
الکیشن کمیشن کےمطابق پابندی کا اطلاق الیکشن کمیشن سیکرٹریٹ،صوبائی اور ضلعی الیکشن کمشنرز کےدفاتر پر ہوگا۔
الیکشن کمیشن کے ڈپٹی ڈائریکٹر سید اے رحمان ظفرنےسندھ، پنجاب، خیبر پختونخواہ اور بلوچستان کے صوبائی الیکشن کمشنرز کو بھیجے گئےخط میں دعویٰ کیاہےکہ الیکشن کمیشن کےدفاترمیں سوشل میڈیا کےاستعمال پر پابندی سے سائبرحملوں میں کمی ہوگی۔
ترجمان کے مطابق الیکشن کمیشن نے سائبر حملوں سے بچنے کے لیےیہ اقدامات کیے ہیں۔
انہوں نےکہاکہ پابندی کا فیصلہ سرکاری اور اہم معلومات افشاں ہونےاور دفتری اوقات میں نظم و ضبط برقرار رکھنے کےلیےکیاگیاہے۔
خیال رہےکہ الیکشن کمیشن آف پاکستان کی ویب سائٹ پر دو مرتبہ پہلے بھی سائبرحملےکیے جاچکے ہیں تاہم ان سائبر حملوں میں ڈیٹا محفوظ رہاتھا۔
بھارتی ہیکرزنےالیکشن کمیشن کی ویب سائٹ ہیک کرلی
یاد رہےکہ گزشتہ سال دسمبر میں الیکشن کمیشن آف پاکستان کی ویب سائٹ ہیکرز نے ہیک کرلی تھی تاہم سروس پروائیڈرزسےمل کر الیکشن کمیشن کی ویب سائٹ ریکور کر لی گئی تھی۔
سائبر حملے سے الیکشن کمیشن کی ویب سائٹ بند
واضح رہےکہ سال2013کے عام انتخابات کے دوران بھی الیکشن کمیشن کی ویب سائٹس پر سائبر حملہ کیاگیاتھا۔
