امریکا میں سرِ راہ ڈکیتی مزاحمت کی سی سی ٹی وی ویڈیو وائرل ہوگئی جسے دیکھ کر لوگوں کے دل دہل گئے۔
امریکی میڈیا کے مطابق لاس اینجلس میں دن دیہاڑے مصروف شاہراہ پر شاپنگ کرنے والی فیملی کو ڈاکوؤں نے لوٹنے کی کوشش کی جسے 26 سالہ شخص نے جان داؤ پر لگا کر ناکام بنا دیا۔
ڈاکو لوٹنے کی غرض سے فیملی کی جانب بڑھے تو والد سے ان کا سامنا ہوگیا، باہمت شخص ڈاکوؤں سے بھڑ گیا اور اس دوران پستول چھین کر اپنے دو سالہ بچے اور اہلیہ کی جانب پھینک دی۔
On Feb 4 the victims were shopping in the DTLA area of 7th & Hill with their 2 yr old son when they were robbed. The male victim was pistol whipped & shot in the arm.
Suspect vehicle is a gray Chrysler 300 with “KEYES” paper plates.
Any info call Central Detectives 213-952-6985 pic.twitter.com/gxQz4rNEV2
— LAPD HQ (@LAPDHQ) February 6, 2021
سخت مزاحمت کا سامنا کرنے پر ڈاکو کا دوسرا ساتھی آگے بڑھا اور پستول اٹھانے کے بعد گاڑی میں فرار ہوگئے۔
پولیس کا کہنا ہے کہ واقعے میں مزاحمت کار کو ہاتھ پر گولی لگی اور ڈکیٹ نے سر پر پستول بھی مارا جس سے وہ زخمی ہوگیا اور وہ اب اسپتال میں زیرِ علاج ہے۔
