منگل, جولائی 1, 2025
اشتہار

وفاقی حکومت کا مستحقین کو 12 ہزار روپے دینے کا اقدام اچھا ہے،ناصر حسین شاہ

اشتہار

حیرت انگیز

کراچی: وزیر اطلاعات سندھ ناصر حسین شاہ کا کہنا ہے کہ وفاقی حکومت کا مستحقین کو 12 ہزار روپے دینے کا اقدام اچھا ہے۔

تفصیلات کے مطابق وزیراطلاعات سندھ ناصر حسین شاہ نے میڈیا سے گفتگو کرتے ہوئے کہا کہ چاروں صوبوں میں ایک ساتھ لاک ڈاؤن پر عمل ہوتا تو بہتری آتی، لاک ڈاؤن کے لیے وزیراعلیٰ سندھ نے کہا سب ساتھ کریں۔

انہوں نے کہا کہ وفاقی حکومت کی جانب سے لاک ڈاؤن کی بات ہوتی تو اثر زیادہ ہوتا، وفاق کی طرف سے ٹرینیں روک دی گئی،ایئر سروس بندکر دی گئی،ہم نے اپنے طور پرلاک ڈاؤن کا فیصلہ کیا جو خوشی سے نہیں کیا۔

وزیر اطلاعات سندھ کا کہنا تھا کہ ریلیف پروگرام ہم بھی شروع کرنے والے تھے مگر سعید غنی قرنطینہ چلےگئے،جب بھی بی آئی ایس پی کی ڈسٹری بیوشن ہوتی تھی تو بہت رش لگتا تھا،کوشش کر رہے ہیں کہ زیادہ سے زیادہ بوتھ بنائے جائیں۔

ناصر حسین شاہ نے کہا کہ وفاقی حکومت نے 12 ہزار دینے کا کام شروع کیا جو بہت اچھی بات ہے،وزیراعظم نے ٹاسک فورس کا اعلان کیا یہ کام پہلے ہوتا تو زیادہ اچھا ہوتا۔

صوبائی وزیر اطلاعات نے کہا کہ ہر معاملے میں ہماری طرف سے مثبت باتیں آئی ہیں، عوام کی بھلائی کے لیے ہم اب بھی ساتھ کام کرنے کو تیار ہیں۔انہوں نے مزید کہا لاک ڈاؤن بڑھانے کو تیار ہیں مگر ملکی حالات اجازت نہیں دیتے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں