The news is by your side.

Advertisement

‏’حکومت نےکوئی نیا ٹیکس نہیں لگایا‘ ن لیگ کا اعتراف

سابق وزیرخزانہ اور رہنما ن لیگ مفتاح اسماعیل نے اعتراف کیا ہے کہ حکومت نے بجٹ میں کوئی ‏نیاٹیکس نہیں لگایا۔

اے آر وائی نیوز سے گفتگو کرتے ہوئے مفتاح اسماعیل نے کہا کہ پی ٹی آئی کی روایات توٹیکس ‏لگانےکی تھی لیکن ایسا نہیں کیاگیا، حکومت براہ راست ٹیکسزنہیں لگارہی لیکن بالواسطہ ٹیکسز ‏بڑھیں گے۔

مفتاح اسماعیل نے کہا کہ چھوٹی گاڑیوں پر ٹیکس کم کرکےحکومت نےگاڑیوں کی کمپنی کوفائدہ ‏دیا سوچ رہاتھا حکومت تنخواہوں میں20فیصداضافہ کریگی لیکن ایسانہیں کیا۔

ان کا کہنا تھا کہ کورونا کی وجہ سے موجودہ حکومت کو فائدہ ہوا ہے زرمبادلہ ذخائربڑھےہیں جو ‏خوش آئندبات ہے، کوروناکی وجہ سےٹریول کم ہو گیا ہےجس کی وجہ سےزرمبادلہ ذخائر بڑھے، ‏میں تو چاہتا ہوں گروتھ بڑھے لیکن مشکل ہی لگتا ہے۔

وفاقی وزیر اطلاعات و نشریات فواد چوہدری نے ردعمل دیتے ہوئے کہا کہ مفتاح اسماعیل تنقیدی ‏موڈ سے نکلیں گے تو حکومتی اقدامات کی تعریف کریں گے۔

Comments

یہ بھی پڑھیں