لندن: برطانیہ میں انسانی دانتوں والے کتے کی اصل حقیقت سامنے آگئی، سوشل میڈیا پر وائرل ہونے والے کتے کے دانت اصلی نہیں بلکہ نقلی ہیں۔
غیرملکی خبررساں ادارے کی رپورٹ کے مطابق سوشل میڈیا پر ان دنوں ایسا کتا وائرل ہے جس کے دانت انسانوں کی طرح نظر آہے ہیں، درحقیقت یہ دانت اصلی نہیں بلکہ نقلی ہیں۔
رپورٹ کے مطابق ’اسٹیسی‘ نامی کتے کے مالک کا کہنا ہے کہ اس کا کتا ہر کسی کے بیڈ روم میں گھنسے کا عادی ہے اس نے حالیہ دنوں ماں کے کمرے میں گھس کر میز کی دراز سے نقلی دانت(بتیسی) نکال کر لگا لیے تھے۔
اس نے بتایا کہ کتا میری ماں کو ہمیشہ نقلی دانت لگاتے ہوئے دیکھتا تھا تو اس نے ایک دن چھپ کر بتیسی لگانے کی کوشش کی اور کامیاب ہوگیا، اسے دیکھ کر گھر کے تمام افراد حیرت زدہ رہ گئے تھے۔
یہ انوکھہ واقعہ 11 جون کو پیش آیا، مالک نے مناظر کو کیمرے کی آنکھ سے قید لیے۔
