برلن: کشمیر کونسل یورپی یونین کے چیئرمین علی رضا سید کا کہنا ہے کہ بھارت نے 3 ماہ میں مقبوضہ کشمیر میں بربریت کی انتہا کردی ہے۔
تفصیلات کے مطابق جرمنی کے شہر سٹاٹگارت میں مقبوضہ کشمیر کی گھمبیر صورت حال پر پریس کانفرنس کرتے ہوئے چیئرمین کشمیر کونسل ای یو کا کہنا تھا کہ عالمی برادری کشمیر کی صورت حال کا فوری نوٹس لے۔
علی رضا سید نے مزید کہا کہ عالمی برادری کشمیر کی تشویش ناک صورتحال کو ہرگز نظرانداز نہ کرے۔
ادھر بھارتی فورسز نے مقبوضہ وادی کو ایک سو پانچ روز سے دنیا کی سب سے بڑی چھاؤنی بنا رکھا ہے، نہتے کشمیری نوجوانوں کی جبری گرفتاریاں اور ان پر بہیمانہ تشدد کا سلسلہ تاحال جاری ہے۔
مقبوضہ کشمیر میں مسلسل لاک ڈاؤن اور کرفیو کو ایک سو پانچ دن ہوگئے ہیں، انٹرنیٹ اور موبائل سروس کی بندش نے مقبوضہ کشمیر کا رابطہ دنیا سے منقطع کیا ہوا ہے۔
مقبوضہ کشمیر میں کرفیو اورلاک ڈاؤن 104 واں روز، بھارتی فوج کے مظالم جاری
وادی میں کشمیری گھروں میں قید ہیں، اسکول، کالجز اور تجارتی مراکز بند ہیں اس کے علاوہ انٹرنیٹ سروس بھی معطل ہے۔ شدید سردی نے کشمیریوں کی زندگی مزید مشکل بنادی۔
