دنیا بھر میں جہاں اسمارٹ فون میں جدید سے جدید فیچرز شامل کیے جارہے ہیں وہیں ایسے اسمارٹ فون کا اعلان بھی سامنے آیا ہے جو دیگر فونز کی نسبت بہت سادہ ہوگا۔
بین الاقوامی ویب سائٹ کے مطابق نتھنگ فون ایک ابھرتا ہوا فون ہے جس کے بارے میں بہت ساری باتیں اور افواہیں زیر گردش ہیں، اس کمپنی کے سی ای او کاپ پائی نے کہا ہے کہ نتھنگ فون ایک سیدھا سادا سا اسمارٹ فون ہوگا۔
سی ای او کا کہنا ہے کہ فون کی ڈیزائنگ میں یہ خیال رکھا گیا ہے کہ اسمارٹ فون ہماری زندگی کو بہت زیادہ متاثر کر رہے ہیں، یہی وجہ ہے کہ اس کے ڈسپلے کے پیچھے کچھ روشنیاں رکھی گئی ہیں، ایک خاص قسم کی روشنی آپ کے خاص قسم کے کانٹیکٹس کے روابط کو ظاہر کرے گی۔
نتھنگ فون کے ورژن ون میں 6.55 انچ کا اولیڈ ڈسپلے ہوگا جس کا رفریش ریٹ 120 ہرٹز ہوگا، لیکن سب سے اہم بات یہ کہ اس میں 1080 پکسل ریزولوشن رکھی گئی ہے جو اس کے ڈسپلے کو بہت ہی خوبصورت اور روشن بناتی ہے۔
اس میں اسنیپ ڈریگن چپ سیٹ ہے لیکن خیال یہ ہے کہ اس کے اندر اسنیپ ڈریگن کا 778 جی پلس 5 جی چپ سیٹ لگایا گیا ہے، اس کے کیمرے کے اندر 50 میگا پکسل کا ڈوئل کیمرا ہے یعنی کہ دوہرا کیمرا ہے جو پرائمری کیمرا بھی ہے اور اس کی پشت پر بھی کیمرا ہے۔
اس میں وائڈ اینگل او آئی ایس لینس بھی لگایا گیا ہے جبکہ ایک دوسری جانب چھوٹا سیلفی کیمرا 16 میگا پکسل کا دیا گیا ہے۔
جہاں تک بیٹری اور چارجر کا سوال ہے، اس میں 15 والٹ کے وائر لیس چارجر کی سہولت اور سپورٹ دی گئی ہے اور 4500 ایم اے ایچ بیٹری متوقع ہے۔
نتھنگ فون کا انٹر فیس ممکنہ طور پر بہت سادہ ہوگا، اس کے اندر گلیف ایلیومینیشن کا منفرد انٹر فیس رکھا گیا ہے۔ توقعات ہیں کہ سنہ 2022 کے آخر میں یہ فون سامنے آئے گا اور 4 ہزار 50 یورو سے اس کی قیمت شروع کی جائے گی۔
