The news is by your side.

Advertisement

مزاح سے بھرپور ہارر اینیمیٹڈ فلم ’دی ایڈمز فیملی‘ آج سنیما گھروں کی زینت بنے گی

لاس اینجلس: مزاح سے بھرپور ہارر اینیمیٹڈ فلم ’دی ایڈمز فیملی‘ آج امریکی سنیماؤں پر قہقے بکھیرے گی۔

تفصیلات کے مطابق ہالی ووڈ کی مزاح اور تھرل سے بھرپور ہارر اینیمیٹیڈ فلم دی ایڈمز فیملی آج امریکی سنیما گھروں کی زینت بنے گی۔

فلم کی کہانی ایڈمز نامی ایک خاندان کے گرد گھوم رہی ہے، جن کی پراسرار حرکتیں سب کو پریشان کرتی ہیں، کامیڈی کے تڑکے سے بھرپور یہ فلم آج پردے پر جلوہ گر ہوگی۔

کونراڈ ورنن کی ہدایتکاری میں بننے والی یہ فلم چارلس ایڈمز کے مشہور کارٹون پر مبنی ہے جس کی کہانی ایڈمز نام کے ایک خاندان کے گرد گھومتی ہے۔

ان کا گھر جو کہ ایڈمز ہاؤس کہلاتا ہے، ازخود اپنی جگہ ایک جائے حیرت ہے، ایک ایسا گھر جہاں دھماکے ہوتے ہیں، اذیت رسانی کے عجیب و غریب آلات موجود ہیں اور آنکھوں کے نیچے سرمہ لگائے ایک ایسا عجیب و غریب خاندان رہتا ہے جس کا ہر فرد نرالا ہے، اور سب سے بڑھ کر ایک ’ ہاتھ ‘ ہے جو اپنی انگلیوں کو ٹانگوں کے طور پر استعمال کرکے پورے گھر میں منڈلاتا ہے۔

یہ ایک دل چسپ، مزاحیہ اور منفرد کارٹون تھا اور اب ہالی ووڈ میں اس پر فلم بنائی جارہی ہے جس کا کامیڈی اور تھرل سے بھرپور پہلا اینی میٹڈ ٹریلر جاری کیا جاچکا ہے، کونراڈ ورنن کی ہدایتکاری میں بننے والی یہ فلم چارلس ایڈمزکے مشہور کارٹون پر مبنی ہے۔

فلم میں اپنی آوازوں کا جادو جگانے والے فنکاروں میں آسکر ایساک، چارلز تھیرون، نک کرول، فن وولفہارڈ، ایلیسن جینے اور ایمی گارسیا سمیت دیگر شامل ہیں۔

Comments

comments

یہ بھی پڑھیں