The news is by your side.

Advertisement

پی سی بی نے کھلاڑیوں کو وارننگ جاری کردی

پاکستان کرکٹ بورڈ نے بائیو سیکیور ببل کی خلاف ورزی کر کے دوسروں کے لیے خطرہ بننے والے آفیشلز اور کرکٹرز کو وارننگ جاری کر دی۔

بارہ قومی کرکٹرز اور آفیشلز نے بائیو سیکیور ببل کی خلاف ورزی کی۔ بائیو سیکیور ببل توڑنے والوں میں امام الحق، یاسر شاہ، محمد حفیظ، عبدالرزاق، خرم منظور، سہیل خان، کامران اکمل، انور علی، راشد خان اور باسط علی شامل ہیں۔

فخر زمان اور عثمان شنواری کا فیملی سمیت دوبارہ ٹیسٹ لیا جائے گا۔کھلاڑیوں کو دوبارہ ٹیسٹ کروانا پڑے گا۔
کورونا وائرس ٹیسٹ کے اخراجات بھی کھلاڑی خود ہی برداشت کریں گے۔

پی سی بی کے ڈائریکٹر ہائی پرفارمنس ندیم خان نے خلاف ورزی کرنے والے کھلاڑیوں اور آفیشلز کو تنبیہ کرتے ہوئے کہا ہے کہ ایسا عمل بالکل ناقابل برداشت اور ناقابل قبول ہے جس سے دوسروں کے لیے خطرات بڑھ جائیں۔

انہوں نے کہا کہ نیشنل ٹی ٹوئنٹی میں میچ آفیشلز کے ساتھ ساتھ سینیئر کھلاڑیوں نے بھی بائیو سیکیور ببل کی خلاف ورزی کی اور یہ طرز عمل انتہائی افسوسناک ہے جس سے دوسروں کی صحت اور ٹورنامنٹ کی ساکھ کو نقصان پہنچے۔

Comments

یہ بھی پڑھیں