سعودی عرب میں لینڈنگ کے دوران مسافر طیارے کا ٹائر پھٹ گیا۔
عرب میڈیا کے مطابق جدہ کے کنگ عبدالعزیز انٹرنیشنل ایئرپورٹ پر مصر سے آنے والی پرواز بڑے حادثے سے بال بال بچ گئی۔
ایجپٹ ایئر کی پرواز ایم ایس 643 کی لینڈنگ کے دوران طیارے کا ٹائر پھٹ گیا تاہم پائلٹ نے طیارے کو بحفاظت رن وے پر اتار لیا۔
اس حوالے بتایا گیا ہے کہ واقعے میں کسی قسم کا جانی نقصان نہیں ہوا اور تمام مسافروں کو بحفاظت اتار لیا گیا۔
واقعے کی وجہ جاننے کے لیے تحقیقات شروع کر دی گئی ہیں اس متعلق پروٹوکولز کو فالو کیا جارہا ہے۔ تفتیشی ٹیموں نے ابتدائی طور پر طیارے کا معائنہ کیا ہے اور مختلف پہلوؤں سے جانچ کی جارہی ہے۔
