براسیلیا: برازیل کے صدر جیر بولسونارو نے کروناوائرس کے پیش نظر احتیاطی تدبیر کی دھجیاں بکھیر دیں، ردعمل میں سوشل میڈیا پر صارفین شدید تنقید کا نشانہ بنارہے ہیں۔
غیرملکی خبررساں ادارے کی رپورٹ کے مطابق صدر نے ملکی دارالحکومت براسیلیا میں قائم ایک بیکری کا دورہ کیا، اس دوران انہوں نے سماجی فاصلے کا خیال نہ رکھتے ہوئے شہریوں کے ساتھ تصاویر بنوائیں اور گلے بھی ملے۔
تصاویر سوشل میڈیا پر وائرل ہوگئیں، سیکڑوں صارفین نے جیربولسونارو کو آڑے ہاتھوں لیا۔ ملکی صدر نے شہریوں سے نہ صرف مصافحہ کیا بلکہ گلے بھی ملے۔ اس دوران انہوں نے تصاویر بھی بنوائیں۔
بیکری آمد پر ملازمین کے علاوہ وہاں موجودہ کسٹمرز نے بھی صدر سے مصافحہ کیا۔ بیکری سے باہر آنے پر شہریوں کے ہجوم نے انہیں گھیر لیا۔ ایک صارف نے لکھا کہ اس انداز سے ملاقات کروناوائرس کی افزائش کا سبب بن سکتی ہے، سماجی فاصلے کا خیال نہ رکھتے ہوئے صدر نے کرونا کو غیر سنجیدہ لیا ہے۔
