The news is by your side.

Advertisement

پنجاب حکومت نے شاپنگ مالز کھولنے کا فیصلہ کرلیا

لاہور: صوبہ پنجاب میں حکومت نے پیر سے شاپنگ مالز کھولنے کا فیصلہ کرلیا۔

تفصیلات کے مطابق پنجاب میں شاپنگ مالز کے علاوہ آٹوموبل انڈسٹری کو بھی کام کرنے کی اجازت دی جائے گی، تمام شعبوں میں احتیاطی تدابیر اپنانے سے متعلق پابند کیا گیا ہے۔

صوبائی وزیرصنعت وتجارت میاں اسلم اقبال کا کہنا ہے کہ ایس او پیز کو حتمی شکل دے دی گئی، پنجاب میں چھوٹی بڑی گاڑیوں اور موٹر سائیکلوں کی مارکیٹس بھی کھولی جائیں گی۔

وزیر کا کہنا تھا کہ شاپنگ مالز مالکان نے ایس او پیز بھجوا دیئے تھے جس کو مدنظر رکھتے ہوئے حکومت نے اپنی ایس او پیز کو حتمی شکل دے دی ہے، شاپنگ مالز کے اوقات کار وہی ہوں گے جو دیگر مارکیٹس کے ہیں۔

ایس او پیز کی خلاف ورزی پر پنجاب میں بھی مارکیٹیں بند کرنے پر غور

خیال رہے کہ سندھ کی طرح پنجاب میں بھی لاک ڈاؤن میں نرمی کے بعد مارکیٹیں کھل چکی ہیں۔ تاہم وزیر اعلیٰ پنجاب نے صوبے کی مارکیٹوں میں ایس او پیز کی خلاف ورزی پر شدید تحفظات کا اظہار کیا ہے۔

حالیہ دنوں وزیر اعلیٰ عثمان بزدار کی زیر صدارت منعقدہ اجلاس میں وزراء کی جانب سے کرونا وائرس کے کیسز بڑھنے پر بعض مارکیٹوں کو بند کرنے پر غور جاری ہے۔

ذرائع کا کہنا تھا کہ ہال روڑ، شاہ عالم مارکیٹ، انارکلی، اعظم مارکیٹ کو بند کرنے پر غور کیا جارہا ہے جبکہ اچھرہ بازار، ٹاؤن شپ بازار سمیت دیگر جگہوں پر حفاظتی اقدامات نہیں ہیں۔

fb-share-icon0
Tweet 20

Comments

comments

یہ بھی پڑھیں