لاہور: صوبائی حکومت کی جانب سے پنجاب پبلک سروس کمیشن کو انٹرویو لینے کی اجازت دے دی گئی۔
تفصیلات کے مطابق پنجاب پبلک سروس کمیشن کو انٹرویو لینے کی اجازت دے دی گئی۔سیکریٹری پرائمری اینڈ سکینڈری ہیلتھ کیئر نے نوٹیفکیشن جاری کر دیا۔
کیپٹن (ر)محمد عثمان نے بتایا کہ ایس او پیز پر عمل کر کے امیدواروں کے مرحلہ وار انٹرویو لیے جاسکیں گے،نوٹیفکیشن کا اطلاق پنجاب پبلک سروس کمیشن پر ہوگا،دیگراداروں کو اجازت نہیں دی گئی۔
انہوں نے بتایا کہ کابینہ کمیٹی نے انٹرویو کی اجازت دے دی،تحریری امتحان کا عمل معطل رہےگا،نوٹیفکیشن کااطلاق فی الفور ہوگا، تاحکم ثانی لاگو رہےگا۔
یاد رہے کہ گزشتہ ماہ 4 جون کو پنجاب سروس کمیشن نے کرونا وائرس کے باعث ملتوی ہونے والے امتحانات کے انٹرویوز کی بحالی کا اعلان کیا تھا۔ مراسلے میں کہا گیا تھا کہ روزانہ کی بنیاد پر صرف دو اوقات کار میں 15 امیدواران کے انٹرویز لیے جائیں گے،تمام انٹرویوز کمیٹیوں میں آٹھ امیدوار صبح 10 بجے جبکہ سات امیدوار دوپہر ساڑھے 12 بجے پیش ہوسکیں گے۔
