کراچی: پی ایس ایل 6 کے ری شیڈول پلان کے حوالے سے پاکستان کرکٹ بورڈ حکام کے ساڑھے 3 گھنٹے تک جاری رہنے والے اجلاس میں ون پوائنٹ ایجنڈے پر بات چیت کی گئی۔
ذرائع کے مطابق حکام نے اس عزم کا اعادہ کیا کہ پی ایس ایل کی قدرومنزلت کو برقرار رکھتے ہوئے ایونٹ کو یقینی بنایا جائے گا۔
اجلاس کے دوران3 ونڈوز پر نظرثانی کی گئی، پی ایس ایل 6 مئی، جون یا پھر ستمبر میں کرایا جاسکتا ہے۔ری شیڈول میچز کیلئےکراچی، لاہور یا روالپنڈی میں سے ایک میزبان شہر ہو گا۔
فرنچائز ٹیموں کیلئے آؤٹ سورس بائیو سیکیور بنایاجاسکتاہے جب کہ تمام فرنچائز ٹیموں کیلئے پورا ہوٹل بک کیا جائے گا۔
ذرائع کا کہنا ہے کہ پاکستان سے باہر میچز کرانے پر کوئی بات نہیں ہوئی اور تمام آپشنز کی رپورٹ چیئرمین پی سی بی کو پیش کی جائے گی۔ حتمی فیصلے ہونےکے بعد تمام فرنچائزز کو ون پیج پر لایا جائے گا۔
ذرائع نے بتایا کہ ایک ہفتے بعد پی ایس ایل6 کو ری شیڈول کرنےپر اہم پیش رفت ہوگی۔
