دپیکا پڈوکون اور ون ڈیزل کی نئی آنے والی فلم سے ایک تصویر منظر عام پر آگئی۔ یہ دونوں اسٹار ہالی وڈ کی فلم ’دا ریٹرن آف زینڈر کیج‘ میں ایک ساتھ کام کرہے ہیں۔
دپیکا پڈوکون اپنے ہالی وڈ کیرئیر کی شروعات ’دا ریٹرن آف زینڈر کیج‘ سے کرنے جارہی ہیں جس میں ان کے مدمقابل ہالی وڈ اسٹار ون ڈیزل ہوں گے۔
دپیکا فلم میں سیرینا نام کی ایک شکاری کا کردار ادا کریں گی۔
فلم ’دا ریٹرن آف زینڈر کیج‘ 2002 میں آنے والی ’ٹرپل ایکس‘ اور 2005 میں آنے والی ’اسٹیٹ آف دی یونین‘ کا سیکوئل ہے۔
ون ڈیزل کے انسٹاگرام اکاؤنٹ پر جاری کی جانے والی تصویر میں دونوں کے درمیان زبردست کیمسٹری نظر آرہی ہے۔ اس جھلک نے جہاں سوشل میڈیا پر تہلکہ مچادیا ہے وہیں پرستاروں کی اس فلم کے لیے توقعات کو مزید بڑھا دیا ہے۔
