لاہور: وزیر اطلاعات پنجاب فیاض الحسن چوہان کا کہنا ہے کہ کرونا کے خلاف ہیلتھ اور میڈیا پروفیشنلز کا کردار نہایت اہم ہے۔
تفصیلات کے مطابق صوبائی وزیر اطلاعات پنجاب فیاض الحسن چوہان نے کہا کہ کرونا کے خلاف ہیلتھ اور میڈیا پروفیشنلز کا کردار نہایت اہم ہے، ضلعی انتظامیہ اور محکمہ مال کے ملازمین برسرِ پیکار ہیں۔
فیاض الحسن چوہان کا کہنا تھا کہ کمشنرز، ڈپٹی و اسسٹنٹ کمشنرز، تحصیلدار سے پٹواری تک سب لڑ رہے ہیں، تحصیل دار، نائب تحصیلدار،گرداور سے پٹواری تک سب کردار ادا کر رہے ہیں۔
انہوں نے کہا کہ محکمہ مال کے اہلکار وفاقی وصوبائی حکومتوں کے اہم ترین نمائندے ہیں، ریلیف پیکجز میں محکمہ مال کے افسران و اہلکار ان کا کردار ناقابلِ فراموش ہے۔انہوں نے کہا کہ امید ہے اہلکار ریلیف پیکجز کے اثرات عوام تک جانفشانی سے پہنچائیں گے۔
ڈاکٹرز اور دیگر سپورٹنگ اسٹاف کی حفاظت ہماری اولین ترجیح ہے، فیاض الحسن چوہان
یاد رہے کہ گزشتہ روز فیاض الحسن چوہان کا کہنا تھا کہ ہیلتھ پروفیشنلز کے لیے پرسنل پروٹیکشن ایکویپمنٹ موجود ہے، ڈاکٹرز اور دیگر سپورٹنگ اسٹاف کی حفاظت ہماری اولین ترجیح ہے۔ انہوں نے مزید کہا تھا کہ جزوی لاک ڈاؤن عوام کو پریشانی سے بچانے کے لیے نافذ کیاگیا ہے۔
فیاض الحسن چوہان کا کہنا تھا کہ ڈاکٹرز اور دیگر سپورٹنگ اسٹاف کی حفاظت ہماری اولین ترجیح ہے۔
