The news is by your side.

Advertisement

سعودی شہری نے سب کو حیران کر دیا

ریاض: سعودی شہری جبران العلیلی المالکی نے 33 سال کی انتھک محنت کے بعد 7 ہزار سے زیادہ نوادر جمع کر کے ‘طلان عجائب گھر’ قائم کیا ہے۔

تفصیلات کے مطابق سعودی شہری جبران العلیلی المالکی نے کہا کہ میں نے نوادر جمع کرنے کی شروعات 1987 میں کی تھی اس وقت تک کمشنری قدیم طرز کی تھی اور نئی تہذیب وتمدن کی جھلکیاں آنا شروع ہوئی تھیں۔

المالکی کا کہنا تھا کہ میرے ذہن میں یہ خیال آیا کہ کیوں نہ نوادر جمع کروں تاکہ آنے والی نسلیں انہیں دیکھ کر پتہ لگا سکیں کہ ان کے آباؤ اجدداد کا طرز معاشرت کیا تھا۔

انہوں نے بتایا کہ 1999 میں عجائب گھر کے قیام کا خیال آیا اس وقت تک میرے پاس 3 ہزار نوادر جمع تھے۔اب ان کی تعداد 7 ہزار ہوچکی ہے۔

جبران العلیلی المالکی کا کہنا تھا کہ میں نے یہ سب کچھ شوقیہ کیا ہے، کوئی پیسے خرچ نہیں کیے، لوگ مجھے بطور تحفہ اپنے گھر کی کوئی ایسی چیز جو ان کے استعمال میں نہیں ہوتی تھی دے دیتے تھے، میں نے مختلف لوگوں سے نوادر کا تبادلہ کیا اور اس طرح ایسی اشیا حاصل کیں جو میرے یہاں نہیں تھیں۔

المالکی کا کہنا تھا کہ ‘داودی زرۃ’ پندرہ ہزار ریال میں خریدی اور اسے عجائب گھر کی زینت بنایا ہے، عجائب گھر آنے والوں سے کوئی فیس نہیں لی جاتی، جازان سمیت وطن عزیز کے تمام علاقوں سے لوگ میرے عجائب گھر کی سیر کے لیے آتے رہتے ہیں۔

Comments

یہ بھی پڑھیں